Gipausbaw sa DOST-Caraga Fairness Opinion Board Secretariat sa usa ka promotion and commercialization campaign o technology pitching ang mga DOST-supported technologies sa pito ka mga potential partners nga mga micro, small and medium and enterprises kon MSMEs diha sa manufacturing and fabrication sector sa Surigao del Norte, May 12, 2021.

Kini gipahigayon katambayayong ang DOST-Surigao del Norte aron sa pagpasabot sa pamaagi sa technology transfer ug paghatag og Fairness Opinion Report o (FOR) sa mga interesado na micro, small and medium enterprises kon MSMEs. Apil sa mga nitambong na MSMEs ang Razel Metal Craft, JOED Machine Shop, RS Yuipco Development Corporation, Rosalejos Machine Shop, Rev-Ann Iron Works, ug Sunexo Industrial Resources.

Gipadayag ni DOST-Caraga Assistant Regional Director Ricardo N. Varela ug Caraga FOB Coordinator ang mga nagkadaiyang teknolohiya ug ang mga business opportunities niini alang sa fabricators. Dugang pa ni ARD Varela nga kasamtangang gi proseso karon ang pag commercialize sa DOST enhanced nutribun ug brown rice varieties sa duha ka interesadong MSMEs sa rehiyon. Gi-presenta usab sa FOB ang uban pang teknolohiya nga gimugna sa DOST ug bentaha sa pag adopt tungod sa nakalakip nga intellectual property rights sa maong mga technologies.

Ang mga partisipante nagpadayag sa ilang interes sa pag adopt sa rice planter ug rice harvester attachments. Ang maong kalihukan gitambungan usab sa mga kawani sa DOST-Surigao del Norte pinangulohan ni OIC Provincial S&T Director Mariel Makinano alang sa paghatag og dugang technical assistance sa mga MSMEs.Alang sa dugang detalye kabahin sa technology transfer, mahimong mo-email sa Caraga Fairness Opinion Board Secretariat sa fob.caraga@gmail.com o mag mensahe sa DOST-Caraga Facebook Page.

Written by: Aliana Gene Sarmiento

147