Ang Regional Research, Development and Innovation Committee o RRDIC pinangulohan sa DOST-Caraga malampusong gipahigayon ang Writeshop on DOST-funded R&D Proposals Preparation and Training on Policy Research alang sa kapin 100 ka mga researchers pinaagi sa Zoom online ug sa Facebook live.

Sa iyang mensahe gipaabot ni Acting Chairperson sa RRDIC Engr. Noel M. Ajoc sa DOST-Caraga ang panginahanglanon sa pagpadayon sa pagpalambo sa kapasidad sa mga researchers labi na nga nagpabilin ang Caraga isip usa sa mga rehiyon nga adunay pinakamubo nga R&D investments ug mga researchers, scientists and engineers nga nagtrabaho alang sa research and development.

Dugang usab ni Assistant Regional Director Ricardo N. Varela nga tumong sa maong kalihukan nga makamugna og lig-on nga science, technology and innovation community aron makakab-ot og dugang investment o pondo sa maong natad.

Gipadayag ni Dr. Bonifacio B. Tamparong, Jr., OIC for Research Evaluation and Monitoring Section sa National Research Council of the Philippines o NRCP, ang NRCP Call for Proposals for 2023, National Integrated Basic Research Agenda o NIBRA ug proseso sa evaluation sa mga research proposals. 

Usa sa mga gitanyag na speaker alang sa maong writeshop mao si DOST Undersecretary for Research and Development, Dr. Rowena Cristina L. Guevara diin iyang gipasabot ang mga priority areas ubos sa Harmonized National R&D Agenda ug ang Science for Change Program sa DOST. Nisalmot usab sa maong kalihukan si Philippine Council for Industry, Energy, and Emerging Technology Research and Development o DOST-PCIEERD Executive Director Enrico C. Paringit ug iyang gipresenta ang mga priority areas alang sa 2023 Call for Proposals sa council.

Gipresenta sa mga researcher-participants ang ilang mga draft proposals ubos sa upat ka mga areas sa Basic Research, Industry, Energy, and Emerging Technology (IEET), Agriculture, Aquatic and Natural Resources (AANR) ug NICER. Mihatag og recommendations ug tips ang mga kawani sa DOST councils ug funding agencies alang sa pagpalambo sa maong mga R&D proposals ug aron masiguro nga mapondohan kini.

Dugang niini gipresenta usab ni Dr. Francis Mark A. Quimba, usa ka Research Fellow sa Philippine Institute of Development Studies o PIDS ug Director sa Philippine APEC Study Center Network ang pagpahigayon og policy research on innovation ug ang bili niini dili lamang sa pribado nga sektor lakip na usab sa pagpalambo sa mga programa sa gobyerno.

Si NEDA-Caraga Chief Economic Development Specialist Ms. Michelle P. Dela Calzada midasig sa mga researchers ug mipadayag sa kabilinhon sa research and development diha sa socioeconomic development sa Caraga.

Written by: Aliana Gene Sarmiento

134